| |
|
05-02-2009, 01:12 AM
|
| امنية
طردونه كبل حكامنه الطيبين وعلينه سنين مرت كلنه خل نعود ومن ردينه لحضان الوطن نرتاح طلع حته الوطن من الوطن مطرود شفنه الهور يبجي ودجله هده الحيل وفرات اعله الجرف نايم جرح ممدود حضارات شكثر لمينه من الكاع والتاريخ جثه التم عليهه الدود حمورابي انسجن هلت مسلته حروف وحبل المشنقه بركبة اكد معكود واشور انذبح وعيونه مقلوعات ووادي الرافدين اعله الجبل مشدود ودلات المضيف يدورن الفنجان وضل بيت الكرم متبري من الجود وخدود الارض مختفيه ماتنباس لان من الدمع مابقت عدهه خدود صحنه نريد امل بلكت يفك الباب ردلنه الصدى باب الامل مسدود شفنه ورود رحنه انشمهن ونرتاح عبوات اطلعن يتسترن بورود ما حان الوكت نوكف نصد الريح ونزرع من جديد ونبني بينه الساس لازم ننتخي ويرجع وطنه الضاع ونتحاضن اخوه ومانطخ الراس وناخذ عبره من طف المعارك ذيج لان بيهه الاخوه اكبر مثل للناس اذكرك من عطش جدنه الحسين بيوم من يمه انتفض عالماي جف عباس أي مو هم احنه اخوه شبينه متفرقين ليش الفلس صار بكل اذن وسواس دوارة الحياة وعدنه فرصه النوب جان الهم الداس وهسه النه الداس فاس الفتنه خشبه واحنه بينه جبال وكبال الجبل شيسوي يعني الفاس يضل باب المراد انزوره والنعمان وللهادي نضل طول العمر حراس ونتعاتب عتب خوان مشتاكين ويرد النه الوطن ونعيش بأحضانه وبغداد البجت ترجع شمس ونجوم وناس بكل أمان الليل سهرانه ويرد الجار يفزع لو سمع فد يوم مريض شويه يمكن ابن جيرانه يارب امنيه ونرجع سويه نعيش عدكم امنيتنه انكتبت هنانه امانه بداعت امكم جينه منتخبين بجروح الزمن وبروح تعبانه راحه نريد منكم جينه جبنه ورود وزرعنه شكد اماني الناس حلمانه اجينه وماحملنه جروح بس الناس حملنه جروح كل الوطن ويانه تحياتي @ دندوش دالي @ |
| |
