| |
|
15-04-2008, 12:43 AM
|
| "سوالف عراقيه "
مثل مانعرف انه لكل شعب والكل فئة من الناس تقاليد وعادات متعودين عليها ابآ عن جد وتتدرج بمفهومها اليي يكون خيالي نوعا ما الى اخر ابن بالعائله..... ويمكن الجيل الحالي يتصورها خرافات هي صحيح ماتحمل أي جدية وماالها أي نظريه تثبت صحتها بس مانكدر نتخله عنها او مانكدر نغير نظرة اهلنا الها ومن نعارضهم راح يزعلون منه.... ومن هالشغلات الحلووووووة راح اسولفلكم كم وحدة 1.من نسمع صوت العصافير بالحديقه وكانها تتعارك نكول( بيبي العصافير تعاركوا) بيبي تكول " كل الهلا بيهم " يعني ......... راح يجي خطار 2. اول يوم او ليله الاول من شهر صفر لازم نكسر شيشه او أي وعاء زجاجي او ماعون ليش......؟؟؟ يكولون حتت ندفع البلاء والشر ..........باعتبارة شهر منحوس 3. من يعجنون وتطفر شويه من العجين يصيحون ......... .. راح يجي خطاااااار 4. جدو من يخوط استكان الشاي ويلكة خاشوكتين " ملعقتين " يكول ....... شنو تردوني اتزوج نسوان 2؟؟؟ 5.من يشترن البنات ثوب جديد تصيح بيبي " البسيه الخميس ! " ليش بيبي ......؟؟؟ حتى تتزوج من وكت ! 6.الطفل الجديد اول ما يجي للدنيا يكصون الحبل السري مالته ويشمروا بالمدرسه ليش؟؟؟؟؟؟ حتى يحب العلم ويصير شاطر او يشمروها بالمستشفى حتى يصير دكتور 7.كل مغربيه لازم يسوون حرمل ويحرملن البيت بي والماي مالته يشمرنة اباب البيت بجميع الاتجاهات ليش؟؟؟؟؟ حتى نبعد العين من كل الجوانب 8. الطفل اول مايوكع اسنانه اللبنية نكوله اشمرها للشمس ليش؟؟؟؟؟ حتى السن الجديد يطلع عدل وحلو 9.العروس من تكطع مهر لازم تلبس ثوب بيت عادي ابيض ليش؟؟؟ حتى تكون حياتها حلوووووة ! 10.الغراب من يفوت من فوك البيت ويسوي صوت يكولون هذا شؤم فاكو نسوان سامعهم يصيحون " سجينه وملح " هاي مااعرف ليش هاي بضع مما اعرفه وسامعه واكو بعد هوااااااي شغلات حلوووووة ومن نسمعها او نعرفها يمكن نتعجب بس نحب نسمعها ومن نسمعها نفرح ونستمتع لانه هي ....... "سوالف عراقيه " |
| |
