خلي نبني العراق و نعلي بنيانه
بعد ما خربوه الطغيان و خرب انسانه
خلي نبني العراق و ساعد يشد ساعد
عراقيين اسمنا و عايشين باسم الله
خلي هذا البيت و نعلي اسواره
يكتب النا التاريخ عراقي بنى داره
مرمر من كالالا و الجص يجي من اربيل
و المي من اهوار و طابوق العماره
و من النجف حفنه و من تراب الحسين
يتبارك البنيان و تتقدس احجاره
و نجيب الف تذكار من الدير و اهل القوش
و اجراس الكنائس ترحب بكل زواره
و نقوي ارض البيت و نصب اساسه صب
و نسلحه ب شلمان و الي يصبح حلاوي
و نطعمه باخشاب من النخل تطعيم
و الي يطرزه فنان و معروف بصراوي
والي يلبخ الحيطان لباخ ابن لباخ
و الي يصبغه للبنيان صباغ كوتاوي
و من يخلص البنيان نحتفل و نفرح بي
Read More Read More
و العشه يمي يصير لا تكولون مصلاوي
